Search just our sites by using our customised search engine

Unique Cottages | Electric Scotland's Classified Directory

Click here to get a Printer Friendly PageSmiley

Frank McNie's Poems

Call For Ma Piper

Call for ma piper Red Rob said,
hiv him play here by ma bed,
a'm content wi the life ah led,
so play a happy air.

Come on piper mak it skirl,
let's hiv aw the lassies birl,
yince mare tae see the tartan whirl,
faster if ye dare.

A've lived ma life in native glen,
a` count as freends great Scottish men,
think o` me atop highland ben,
walking without care.

We're descended fae the ancient kings
dispossessed of many things,
but royal is as royal brings,
on that ah'll say nae mare.

Lands that were drawn on ancient lines,
tane awa wi books ind rhymes,
we kent oor sword but no the times,
a battle so unfair.

We did oor best as best we must,
Highland men wi highland trust,
but ither men were so unjust,
the treachery wis sare.

Ah've forgiven all ma enemies,
forgotten their identities, 
dae the same ah beg yi please,
they hiv their cross tae bare.

The Seer says,Griogaraich will rise again,
yince mare tae be great powerful men,
oor future lies wi unborn kin,
nurture them wi care.

We'll spread oot like a thursle tribe,
strength in numbers nae need to hide,
we ken that richt is on oor side,
an end tae this misfare.

Play a piobaireachd play it proud,
tae tak me o'er Ben Nevis cloud,
MacGregor tartan for ma shroud,
they'll see ma pride up there.

Mary a'll wait "between," we'll go thigither,
tae tak a stroll through heaven's heather,
eternal love for yin anither,
beyond life's thoroughfare.

Ah stood proud and tall and never fell,
if ye tell ma story, tell it well,
ah noo bid ye all a fond farewell,
tak me tae ma lair.



This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus