|
Fan the douce-lik
gloamin' hoor,
Gies rist tae leaf an' floo'r,
Jass'mine kythes hodden pooer,
Sypes waffs o' sich allure,
Thit fan wyse hoolets weeng,
Tae whaur heich brenches sweeng,
Up tap they're hard tae taewit-taewoo ....
"We're keekin' an' winkin' hale nicht lang,
Snitch meece, thit dae folks muckle wrang,
Oot i' the meen-licht, flicherin' starn-licht,
Scrannin' yon, aff an' oan."
The jass'mine its dreeftin' waffs nar deen,
Wonn'r gin waarm sin micht jist cam seen,
An' fyles we sleep, the ools steel keep
Oan seekin the hale nicht lang.
Ools they keekit an' winkit fer the hale nicht lang,
Fell'd meece, thit did folks muckle wrang,
Oot i' the meen-licht, flicherin starn-licht,
Scrannit yon, aff an' oan.
The jass'mine its dreeftin' waffs nar deen,
Howpin' thit waarm sin wid cam seen,
Syne fyles we slept, wyse ools steel kep
Oan seekin' the hale nicht lang.
[Wirds frae DDJ
oan 21st March, 2005] |
