Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Teethin Tribbles


Lyrics composed by John in the early hours of 1st February, 2006, to the tune to 'Old Home Place'.



Chorus

It's been fifty years seen a hid a ma ain teeth
An them peer-lik wi'oot ony doot
Frae Wardle War aetin weil shoart oan guid veetamins
Maist wur saft an aft streev'd wi'oot a cloot

Verse 1

Thase thit didnae ging ull an heeld oan tae thur roots
Aft gat crackit an sich needit dreel
Tae mak a bore affa clair tae tak fite cement repair
Thit wis sair an aft garred me greet as weil

Chorus

It's been fifty years seen a hid a ma ain teeth
An them peer-lik wi'oot ony doot
Frae Wardle War aetin weil shoart oan guid veetamins
Maist wur saft an aft streev'd wi'oot a cloot

Verse 2

Syne it wisnae ow'r lang afore a goat a plate
Wi ain fause tooth stucken oot i frint
Bit the weers thit grupp'd oan ithers fauch'd them awa
Gien loats mair tribble naar them an ahint

Chorus

It's been fifty years seen a hid a ma ain teeth
An them peer-lik wi'oot ony doot
Frae Wardle War aetin weil shoart oan guid veetamins
Maist wur saft an aft streev'd wi'oot a cloot

Verse 3

It wis afore a cam a maan a ma tap teeth wur poo'd
Fan loats gumbyles they naarly gurr'd me daft
Bit gien a fou tap-set o fausers e'en sheenin bricht
A fun fit a maist ait wis nedcess'ty saft

Chorus

Ay's been fifty years seen a hid a ma ain teeth
An them peer-lik wi'oot ony doot
Frae Wardle War aetin weil shoart oan guid veetamins
Maist wur saft an aft streev'd wi'oot a cloot

Last Verse .... [eneugh!]

The en o ma tribbles a howp are gettin naar
Wi ainly twa guid rale teeth i a ma heid
Gin a cid wun redd o them a micht jist be graun
An guid fairies wull hiv wirk'd weil oan me indeed


Return to our Lyrics Page