Lyrics composed by John
Henderson on 9th September, 2006,
to the midi tune of ‘The Mountains of Mourne’.
Chorus:
Aa hearken, yon Scotia wis waesome cauld lan,
Bit hid prood bens an strypies an hedder sae gran.
Wil muirlans stracht mochtie aft hoddin the sin,
Wi dool clachans fa's kilties cam warl's kith an kin.
Noo hoo dae a ken this ye micht jist've jaloosed?
Cause thon Scots fowk wur birred tak sheet fell malagruzed,
Syne tae ging frae thur hamelan tae seek lan o routh,
Lik the US of A thit micht mait ilka mooth.
Verse 1:
Sich kin fa wur kilted, the Yanks aft discussed,
'Speeshul hoo lads an lassies ablo it wur busked.
Weel gin trowth be telt syne, rale Scots ain an aa,
Wid hae n'er pit a hap ooner kilts weert ava.
Shair, aa'd weer kilts prood-lik tae dince oors oan oors,
An wid vooch thit sich dauchlin jist heichened luv's pooers.
An ilk lassie fa'd noshuns, shair deen thon hersel,
Kennin baith dincers nakit garred jiggin richt fell.
Chorus:
Aa hearken, yon Scotia wis waesome cauld lan,
Bit hid prood bens an strypies an hedder sae gran.
Wil muirlans stracht mochtie aft hoddin the sin,
Wi dool clachans fa's kilties cam warl's kith an kin.
Noo hoo dae a ken this ye micht jist've jaloosed?
Cause thon Scots fowk wur birred tak sheet fell malagruzed,
Syne tae ging frae thur hamelan tae seek lan o routh,
Lik the US of A thit micht mait ilka mooth.
Verse 2:
Shair mony the day's Scots bidin US of A,
Hiv the gift o the gab perswaad lassies tae gie
Eneugh bit o hertnin tae daff sairiously,
Thit micht weel jist brak the rowles o thur sorority.
Sae lassies tak tent 'fore clair kythin ye're thrilt,
Tae fin wedder lad's clad wi hap ooner his kilt.
Tak a wee dince roon the sidwauk faar birlin wull shaw,
Gin it's saff daff wi him anse tae fest rin awa.
Tak a wee dince roon the sidwauk faar birlin wull shaw,
Gin it's saff daff wi him anse tae fest rin awa.
