|
Lyrics screeved bi
John oan 18th April, 2004 tae attachit teen,
‘Lazy, Hazy, Crazy Days of Summer’
See aa thoan prickly busses up abeen thon hullrig
Wi sticky rase-hips syne sae redd tae pick
Ful muckle bucket loads o them is fit ye’re askit
Tae mak guid seerup sae nae wee fowks wull ging sick
Jist ful yer bucket fu o them tae airn a bawbee
Syne stert ye’re pickin aa ow'r again
Fur ye’ll be daen yer auld kwintry-as guid a sairvice
As dae acroass the seas oor starkly fichtin men
See aa thoan prickly busses up abeen thon hullrig
Wi itchy-coos aye there sae redd tae pick
Ful muckle bucket loads o them is fit ye’re askit
Tae mak guid seerup sae nae wee fowks wull ging sick
Ahinter days syne fan cams oan the Autumn weether
Wull fesh oan the brammle-buss-time wi’oot doots
Thon aye sae luscious juicey purpie stainin berries
Are ain o Naitur’s feenest jeely makin fruits
Jist ful wee punnet fu o them tae airn a thrupny
Syne stert yer pickin oot there aince mair
Fur ye’ll be daen aa yer faimly sich a faavour
Tae smaachr'in’ up ilk hauf-loaf oan thur brodie there
Oor war-time simmer days are nae meent fur a-wastrin
Thur days thit shid be weel-spent aye tae sair
Oor parents an aa ither sae-fell-hungert wee fowks
Wi aa the spunk ilk maun hiv tae surveeve mair |
