|
Lyrics composed by
John Henderson on 16th December, 2006
to Irving Berlin's 1925 tune to 'You Forgot to Remember',
played here by Charlie Straight.
Short Introductory Music ...
Din-raiser wis Dan,
Bit deleerit wis Nan,
Wi aa o his strush,
An,
Twis sae weel,
Sae affa weel kent,
Dan ivver cud mak,
Muckle tribble i teem hoose.
An aft he'd be argie-bargie-in
Awa oot-lood wi himsel.
Bit,
Twis aiven waarer,
Nan she gat feerious
Gin she opeen'd,
Dan'd yall 'Ye're nae sairious'!
Syne,
Nan hid a noshun
Tae hail Dan's ull condeeshun,
Gin he didnae stap bein sich a ken-aa,
An a conter-mashi-ous blaa,
She'd mak him sae scunnert,
Aiblins aiven fair dumbfoonert,
Gin she refees'd tae kep gaen oan
Keukin aye his even denner,
He'd ken bein cwanter-kine
Micht gar him stairvaishun,
An rale fell waikness tae ...
Afore lang syne.
Waar gin he'd tae dae
His ain claithes' waashin,
Aa sich acks cud
Hult his snaashin.
Weel, Nan's smert wee noshun
Tae hail Dan's ull condeeshun,
Didna wirk tae stap him bein
Conter-mashi-ous-an-ken-aa.
He didnae gat scunnert
Nivver aiven nar dumbfoonert
Fan Nan refees'd tae kep gaen oan
Keukin aye his even denner.
He kent thit bein cwanter-kine
Micht gar him stairvaishun,
An rale fell waikness tae ...
Afore lang syne.
Bit fan he thocht aboot it
Daen his ain claes' waashin,
Widna gar him ony
Teeth-gnaashin.
Noo Dan seen
Kent fit maun be deen.
His deef Ma
He'd ging an caa.
Lengthy Musical Interlude
Din-raiser is Dan,
Bit ow'r the mune is Mam
Deef tae aa his strush,
An,
Tho' tis weel,
Sae affa weel kent,
Dan noo, aye maks,
Muckle tribble i teem hoose.
Fan aft he is argie-bargie-in
Awa oot-lood wi himsel.
An,
It isna keerios,
Naebody gats feerious
Cause naebody's hard,
Dan yall 'Ye're nae sairious'!
Weel,
Nan hid her noshun
Tae hail Dan's ull condeeshun,
Gin he didnae stap bein sich a ken-aa,
An a conter-mashi-ous blaa,
Howp'd mak him sae scunnert,
Aiblins aiven fair dumbfoonert,
Fan she'd refees'd tae kep gaen oan
Keukin aye his even denner.....
Dan leernt bein cwanter-kine
Wis garrin stairvaishun,
An rale fell waikness tae ...
Afore lang syne....
Bit fund fit tae dae
Tae mak life aa OK.
Prefarin deef Mam,
Tae the ow'er sherp lugs o his gudewife Nan!
Aiblins Nan ... Guid riddance tae a bladdit mammy's boy ...? |
