|
Lyrics composed by
John Henderson on 23rd June, 2007,
to Perfessor Bill Edwards great interpretation of
Walter Donaldson's music for, 'My Mammy'.
Pit yer myn tae thase wirds I'm chirmin,
An ye'll oonerstan hoo I'm grinnin :-) .....
We aa in oor lifetime,
Maun hae yin true love;
An ken fit it's lik deep doon in the hairt,
Whan sich loons an quines fin thit they maun pairt.
Foryettin ilk nae-ivver,
Whaur e'er they micht gang,
They prig for reunion,
Fusperin this sang ....
"Flo .... Flo! .... Ma ... Jo!
Frae West tae East, frae Sooth tae North,
There be fyow lik ye wha hae rale wirth.
Och! ..... Lass! Kine .... Lass!
We'll daff climin oan up through thon quait-lik Leny's Pass.
We'll ... seen be ristin, narhan whaur roch waaters ca;
Syne, ... baith thegither, spoonin whan e'en's shaddas fa.
Och ... Flo! Ma ... Jo!
I'd rin for mony oors tae prove thit I'm yours, dear Flo ...
Jo!"
.............
Och ... Flo! Ma ... Jo!
I'd rin for sae mony oors tae prove thit I'm yours, dear Flo ...
Ma Jo!"
Pit yer myn tae thase wirds thit I'm chirmin,
An ye'll ken hoo ma heid is spinnin!.....
We aa in oor lifetime,
Maun hae yin true love.
An ken fit it's lik deep doon in the hairt,
Whan sich loon an his quine fin thit they maun pairt;
Foryettin ilk nae-ivver,
Whaur ivver they micht gang,
They prig for reunion,
SINGIN' OOT THIS SANG ....
"Flo ... Flo! Ma ... Jo!
Frae West tae East, frae Sooth tae North,
There be fyow lik ye wha aye hae rale wirth.
Och! ..... Lass! Douce .... Lass!
We wull blether whan climin up through thon sae quait Leny's
Pass.
Ay .. ..... we'll seen be ristin, narhan whaur roch waaters ca;
Syne, ..... baith thegither, spoonin whan e'en's shaddas fa.
Och, Och, Och ... Ma Flo! Ma yin an ainly Jo!
I'd rin for mony oors, mak shair I'm aye yours, ma sae braw, sae
bonny Flo .. Jo!" |
