Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Flooers Jiggin at Hallowe'en


Nonsense lyrics composed by John Henderson on 31st October, 2007
[whan bogles are aboot!] tae a wee tune caa'd 'Sunflower Dance'.

Ay whan today I wis gairdenin an saw flooers dance,
I syne thocht, "Nae ither fowks wull git this teep o chance."
Losh there were flooers daen wul echtsome reels wi leaves oan hicht,
Whilk made me rub ma een nae shair I wis seein them aaricht.

The sun wis sheenin brichtly, an nae pirr-winnie blew abeen;
Were bogles wirkin glamourie upoan the scene?
The weeds were leukin feerious, bit couldnae mak a meeve oot there,
For flooers hid the upper-han an heeld the flair.

Seen I stappit aa ma gairdenin as mair flooers jined
In wee reels an jigs thegither whilk near blew ma mynd.
Mang them were pansies daen pas-de-bas oan slender pins,
Fyles cockin snoots richt blythely at the pelargoniums.


Return to our Lyrics Page