Lyrics composed by
John Henderson on the 6th of January, 2008
to the tune for, 'Take me Out To The Ballgame'.
Dominie Jake is aye rugby mad
Him bein reteered noo it maks him sae sad
Fur watchin games oan the Sky TV
Is nae guid eneugh noo fur sich as he.
Oan a Seturday he’d luv tae-be-kickin
Pynts as he eest tae pit ow'r richt fine
Noo he jist recaas mony'a match
He played back in auld lang syne
Lik thon windy day doon at Broomfield
In cauld November o saxty-neen
Whaur tacklin the Glenrothes backs it seen wis
Mair kittle nor aiven Montrose hid foreseen.
Sae ull it cam whan leukin tae stap an attack
Jake gaed tae cowp nae jist yin man bit twa
Booncin aff o the feerst, he gaed oantae the neist
Whaur an elbow hit the pynt o his jaw ......
Gnashers an gumshield fleed oan tae the gress
As Jake gaed birlin richt oan tae his erse
Luft'd himsel up kinna slawly lik
Wi his mou hingin apen an bittie sleck
Traiked 'wa aff o the pitch syne tae sik
The kin o tenter wha'd tak him alang
Tae medic wi his bleed boorached face
An fun oot whit aa wis wrang
It's eneugh tae ken t'wis the Infirmary
In Aiburdeen fur oor Jake loon thon day
Whaur airly neist morn they bored wee keyholes
Afore windin weer roon his sair jawbane in rolls
Bit bi Monday Jake felt mair up nor doon
Whan finin oot thit he wis the jaa o the toon
Frae the newspaper heidlines fur aa tae weel ken - thit ...
‘The Dominie's Oan The Mend'
Ay, eneugh tae ken t'wis the Infirmary
In Aiburdeen toon fur glaikit Jake thon day
Whaur airly neist morn they'd seen bored ain oar twa keyholes
Afore windin weer roon thon sair jawbane in rolls
Bit bi the Monday Jake felt mair up nor doon
Whan finin oot thit he wis aa the jaa o the toon,
Frae local paper ... heidlines ... fur aa tae weel ken - thit
‘The Dom'nie's Oan't Mend'