Lyrics composed by John Henderson on the 17th of April, 2010,
to Richard Milburn's 1856 music for the song, 'Listen To The Mocking Bird'.



I've veesions noo o' yon kirkton -
O' St Cyrus, an its schulehoose;
I've veesions tee o' its bairnies,
An the auld schule nar the scaars abeen the bay.

Picturs o' the rowlin sea;
Stang-nets o' the reidfish tee;
Cauld gowden sans faar netters yark ilk morn.
Sweeshin o the winswyp'd sprots;
Sherp-scries o' the guillemots,
Fyle slawly comes fant glimmers o' the dawn.



Sae freenly aye wis yon kirkton,
Like a fem'ly, ivver tentin
Fur aa fowks as is expeckit
Fae douce chiels fa wirk aa oors aroon the clock.

Picturs o' the rowlin sea;
Stang-nets o' the reidfish tee;
Cauld gowden sans faar netters yark ilk morn.
Sweeshin o the winswyp'd sprots;
Sherp-scries o' the guillemots,
Fyle slawly comes fant glimmers o' the dawn.