Additional Info

Click here to get a Printer Friendly Page

Share

Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Sorra [Sorrow]


Lyrics composed by John Henderson on the 5th of May, 2010
to excerpts from Nocturne No. 9 by Chopin.

Life's a sair fecht,
Fan Gweed taks fowks awa,
Like faithers fa lea widdas wi mony hungert bairnies, an aa.

Wauk can-ny fur sorra's cloods dreeft ow'r an aroon us aa,
Fur ull---like fan Tam frae this life wis suddenty lufted awa;
Syne oor twa bairnies an ma ainsel greet an noo canna oonerstan
Jist fit-wye cauld deeth's stang tappit him bein sich a canty an couthy gudeman.

A bil-lie an luvin chiel he wis aye tae masel an kin;
He wirk'd lang did Tam frae ilk dawn till gloamin's slaw-drap o the sin,
An oor twa bairnies an ma ainsel murn as we canna fair tak it in
Thit he's deid an we'll ne'er see him come spangin back tae oor cot at the rin.

We're dool fur bleck-sorra's cloods dreeft ow'r an aroon us aa,
Fur ull---like fan Tam frae this life wis suddenty lufted awa;
Syne oor twa bairnies an ma ainsel greet an noo canna oonerstan
Jist fit-wye cauld deeth's stang tappit him bein sich a canty an couthy gudeman.

Life's a sair fecht,
Fan Gweed taks fowks awa,
Like faithers fa lea widdas wi mony hungert bairnies, an aa.


Return to John's Poetry Page