Check all the Clans that have DNA Projects. If your Clan is not in the list there's a way for it to be listed.
Glenora Single Malt Whisky

Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.
Scottish Review

Click here to get a Printer Friendly Page

Ye Aye Can Wauchle Roon


(You Still Can Struggle Round)

Parody, by John Henderson in NE Doric on the 6th of December, 2010, of William Stewart's 1891 verses, but here sung to the more modern tune 'The Farmer's Boy'.

Ne'er view the noo-time as a jape,
Ne'er gaup wi' dootin een;
Streeve aye tae win ilk hich Ben tap,
Whaur muckle wysedom's seen.
Yir duty ivver kep in yir myn,
Ne'er drap yir speerits doon;
An e'en ye lag a perch ahint,
Ye aye can wauchle roon,
Ye aye can wauchle roon.

Aye tak the warld jist as it comes,
Aye kep a cheerfu hairt,
Nor cark nor sorra let it irk;
Some-ane wull tak yir pairt.
Dame Fortune blints upon the brave,
E'en in life’s efternoon;
An gif a bawbee ye can hain,
Ye're shair tae wauchle roon,
Ye're shair tae wauchle roon.

Be furth-the-gate in hoomble wyes,
Aye dae the best ye can;
An e'en yir fordal seems aft peer,
Gang oan an be a man.
Fur aa thase wha leuk oot fur themsels
Success wull be thur tune;
Thur lives wull aye tae ithers shaw
Hoo they had wauchl'd roon,
Hoo they had wauchl'd roon.

*************************

William Stewart, the suthor of a small volume of verse, was born on the 18th March, 1865, at the cottage of Tomaglass, on the estate of Gartmore, in the parish of Drymen, Stirlingshire. After receiving what schooling was considered necessary, he served his apprenticeship to the trade of plasterer. He wrote a good number of songs/poems, many of which were contributed to the Stirling Observer. At the urgent request of his friends he collected his verses, and in 1891 published them in volume form, under the title “Lines of Scottish Lay.”

William Stewart's Song - YE STILL CAN WAUCHLE ROUN'

Ne'er view the present as a joke,
Nor gaze with dubious eyes:
Strive aye to reach the mountain top,
Where breadth o’ wisdom lies.
Your duty always keep in mind,
Nor let your spirits doon;
Although you lag a perch behind,
Ye still can wauche roun'.

Chorus-
Ye still can wauchle roun’, my friends,
Ye still can wauchle roun’ ;
Although misfortune haud ye back,
Aye strive to wauchle roun'.

Aye tak’ the warld free and easy,
Aye keep a cheerfu’ heart,
Nor care nor sorrow let it tease you ;
Some one will tak' your part.
Dame Fortune blinks upon the brave,
Though in life’s afternoon;
And if a shillin' ye can save, .
You 're sure to wauchle roun'.

Chorus-
Ye still can wauchle roun’, my friends,
Ye still can wauchle roun’ ;
Although misfortune haud ye back,
Aye strive to wauchle roun'.

With honest hand in humble rank,
Aye dae the best ye can;
And though your prospects seem a blank,
Gang on an' play the men.
For them wha nobly mind themsel’
Success shall be the tune;
Their lives shall aye to others tell
How they had wauchled roun'.

Chorus-
Ye still can wauchle roun’, my friends,
Ye still can wauchle roun’ ;
Although misfortune haud ye back,
Aye strive to wauchle roun'.


Return to John's Poetry Page

 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast