Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Wee Laura


Lyrics composed by John Henderson on the 21st of January, 2011, to 'The Tennessee Waltz'.

Brief Introductory Music

I'm aye myndin' ma wee Laura an' oor trystin' in the hedder;
Yon wur guid times, I maun asseer ye.
We cavorted, an' we blethered like twa garrons faa're untethered,
A happier pair ye'd ne'er see.

Unforyetable bliss fan we stapp'd fur a kiss wi' oor herts dirdin' fair fit tae birst!
Sich like joys o' oor blythe-youtheid wur us lernin' thit wul daffin'
Wis a somethin' thit nae cheils shud miss.

Tee I'm myndin' bein sae doolsome fan ma Laura teuk a scunner
Tae oor daffin' an widnae tryst mair.
I wis flummoxed, an nae wonner fur nae ither kenned hid fun her
Sae be-in lane wis ull tae bear.

Unforyetable bliss fan we'd stapp'd fur a kiss wi' oor herts dirdin' syne fit tae birst!
Sich like joys o' oor blythe-youtheid hid been lernin' thit wul daffin'
Wis a somethin' thit nae cheils shud miss.

Losh I weel myn fan ma Laura cam a-caain' at oor bothy;
Sae appalin', she still leuk'd tae me.
She spak doucely an' I hearkened as she fuspered. "I'm doonhairted
At bein sich a fule leain' ye."

Unforyetable bliss fan we hugged an' we kissed wi' oor herts dirdin' bang-bang, bangbang!
Sich like joys o' oor wyse-youtheid hid been lernin' thit saaf daffin'
Wis the luvin' thit baith us hid missed.


Return to John's Poetry Page