Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Click here to get a Printer Friendly Page

Tasht Bockie An' Pa Craw


[The Well-Worn Scarecrow And Father Crow]

Lyrics composed by John Henderson on the 15th of March, 2014,
to Charles E. Baer's 1902 music for the song, 'A Miner's Home Sweet Home'.

Glossary of Less Obvious Words:
neep=turnip; speugies=sparrows; dorbs=pecks; yock=itch; chaff=chafe
fley=scare; tumshie=turnip; speerin'=asking; swede=a type of turnip;
scunnerin'=annoying; craturs=creatures; coff=buy.

It wis oot-by Bannockburn nar a feedle fu o' corn
Thit I hard a kinna doolsome soondin' sang ...
Gaen claiser Ah seen saa a Tasht-Bockie an' Pa Craw
Fa tee seemed tae be fair-win'rin fit wis wrang.
Bockie stapped fan he saa me, an' wi' teardraps in ilk ee
Sabb'd oot loodly, "Och ma neep-heid's faain' aff.
Pleese fin me a stooter ain thit wull lang surveeve fell reyn,
An' the speugies' dorbs thit mak it yock an' chaff."

Pa Craw 'caw-cawed' oot tae me, "He is hairmless we aa gree,
Fur he canna aiven fley flees or a moose;
Bit his airms an' tumshie heid sair us birdies weel in deed,
Sae Ah howp ye'll fesh a new neep frae yer hoose?"
Speerin' him aboot this plan, Bockie thocht thit it wis gran,
An' sae seen I'd brocht a braw roond-swede fur him.
It wis shair a stooter ain thit wud lang surveeve fell reyn,
An' aa craturs' dorbs thit are aye sae scunnerin'.

Bit Ah wisna satisfeed till the craturs aa hud greed
Thit steel-armour an' a helmet I shud coff;
Fur Strang-Bockie in sich pit, weel proteckit heid tae fit
Wud be-nae jist saff bit aye shair leuk a toff!
Aince mair speered aboot this syne, Bockie thocht it michty fine,
An' in guid vyce he sang merrily tae me,
"Ah'm a weel cled sodger braw, am Ah naw, ay, am Ah naw?
An' wull sair The Bruce oontil the day Ah dee!"


Return to John's Poetry Page

 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast