Check all the Clans that have DNA Projects. If your Clan is not in the list there's a way for it to be listed. Electric Scotland's Classified Directory An amazing collection of unique holiday cottages, castles and apartments, all over Scotland in truly amazing locations.

Mae an' Seth


Superstitious lyrics composed by John Henderson on the 23rd of April, 2014,
to E. Clinton Keithley's 1911 music for the song, '
Garland Of Old Fashioned Roses'.

Glossary:
dool=sad; gype=stare; greff-stane=grave-stone; aneth=beneath; carn=cairn;
biel=shelter; aefaally=sincerely.

Introductory Music

Fan the shaddas gaithered ow'r Achmutie's glens,
Seth wud luft his dool een an' gype at aa the Bens;
Whiles he'd stan in seelence myndin fan wi' Mae
They hud clim'd thegither blythely many'a simmer's day.

Nae greff-stane doon in the auld kirkyaird
Wi' them asleep aneth;
Bit a carn hich oan ae Ben's tap
Wis wiss'd by Mae an' Seth;
Ilk thocht they'd be claiser tae hivven
Ooner ae biel o' stane
Faar angels micht cairry baith's speerits
Saafly up tae Gweed's hame.

Fan ma faither Seth aince telt me aa o' this,
An' ma mither Mae tee, said "Ay it is ma wiss,"
I syne voo'd aefaally thit sich wud be deen,
An' fan shaddas fa' hich up noo I've aft angels seen.

Nae greff-stane doon in the auld kirkyaird
Wi' them asleep aneth;
Bit a carn hich oan ae Ben's tap
Wis wiss'd by Mae an' Seth;
Ilk thocht they'd be claiser tae hivven
Ooner ae biel o' stane
Faar angels micht cairry baith's speerits
Saafly up tae Gweed's hame.


Return to John's Poetry Page

Search