Search just our sites by using our customised search engine
Unique Cottages | Electric Scotland's Classified Directory

Click here to get a Printer Friendly Page

Glesga Toon In The 1950s


Lyrics composed by John Henderson on the 28th of July, 2014
to Sunny Skylar and Pat Genaro's 1948 song, "You're Breaking My Heart".

Introdcutory Music

I weel mynd the trams o' auld "Glesga",
The orange an' green buses tee;
The "Oondergrun" rinnin' aneth them,
A' gattin' me whaur I maun be.
"Shanks' Pony" I eesed fan fair skintit;
Twis saffer fan happ'd ow'r wi' smog
Frae reek skailt by thoosans o' chimleys,
An' haars sweelin' frae "Clydeside's" bog.

The "Broomielaw" .....
Wi' boaties braw ....
Thit cud-seen paiddle frae toon an awa'
Losh twis gran whaur the vizzies wur clair ... shair,
Frae "Bute" an' on doon tae "Ayr".

I weel mynd the "Kelvin" in "Partick";
The "Uni" upon "Gilmorehill";
The "Rubaiyat"-handy fan thristy
Fur hauf-pints an' aiven a gill.
The fitba' I'd ging tae at Ibrox,
Fan matches at nicht cud be seen,
Gif reek skailt by thoosans o' chimleys,
An' smog didna 'blanket' the scene!

The "Broomielaw" .....
Wi' boaties braw ....
Thit cud-seen paiddle frae toon an awa'
Losh twis gran whaur the vizzies wur clair ... shair,
Frae "Bute" an' on doon tae "Ayr".

Ay, Glesgae toon ......
Ye wur a boon ......
Fur me a kwintrified chump o' a loon;
Losh twis gran as I growed-up a man ... there,
Mair times being-up than cast-doon.


Return to John's Poetry Page

 


This comment system requires you to be logged in through either a Disqus account or an account you already have with Google, Twitter, Facebook or Yahoo. In the event you don't have an account with any of these companies then you can create an account with Disqus. All comments are moderated so they won't display until the moderator has approved your comment.

comments powered by Disqus

Quantcast